Xoan Castro

Persiste Carvalho na temática amorosa neste seu cuarto libro. Porén, os tipos amorosos evolucionan e maduran. O proprio Carvalho dirá anos despois que son poemas máis nacidos da necesidade de expresar unha angustia espiritual do que da procura da beleza.

Carvalho supera o modernismo neste seu segundo e derradeiro libro de poemas en español. É unha poesía na que prima a estética sobre a temática. Del diría en Nós Bouza-Brey: “[…] romances octosílabos, gardadores de temas bíbricos inzados de modernidade, dun erotismo fresco e inxel.”

É o primeiro libro de Carvalho escrito en galego. Poesía amorosa neotrovadorista, conversas entre o mundo novo e o antigo, entre o real e o irreal.

Aínda no seu Ferrol natal, e prologado por Nicolás García Pereira, tira do prelo Trinitarias: poesía amorosa moi influenciada polo modernismo.